កើតមកស្អាតធ្វើយ៉ាងណាក៏ស្អាត! វីរៈ និច តែងខ្លួនសាមញ្ញបំផុត ពេលឡើងយន្តហោះលើកនេះ ខុសពីតារាដទៃ

នាល្ងាចថ្ងៃទី២ ខែសីហា តារាចម្រៀងប្រចាំផលិតកម្មសាន់ដេ នាយ ចឺម លោកខាន់ ជេម កញ្ញា វីរៈ និច និង កញ្ញា សុខ ពិសី បាននាំគ្នាធ្វើដំណើរទៅប្រទេសកូរ៉េខាងត្បូង ដើម្បីទៅចូលរួមសម្តែងជូនបងប្អូនប្រជាជនខ្មែរនៅទីនោះ ក៏ដូចជាប្រជាជនកូរ៉េរយៈពេលមួយសប្តាហ៍។

ស្របពេលជាមួយគ្នានេះដែរ តារាទាំងនោះបានលេងខ្លួនយ៉ាងស្រស់ស្អាតក្នុងសម្លៀកបំពាក់យ៉ាងសមរម្យ តែអ្វីដែលគួរឲ្យចាប់អារម្មណ៍នោះ គឺតារាចម្រៀងម្ចាស់បទ «ជយោ! សង្សារសុំបែកហើយ» កញ្ញា វីរៈ និច វិញ បានតែងខ្លួនយ៉ាងសាមញ្ញបំផុត នៅក្នុងចំណោមតារាផ្សេងៗទៀត។

ដោយក្នុងនោះ នាងបានជ្រើសរើសឈុតសម្លៀកបំពាក់បែបកីឡា ជាមួយនឹងស្បែកជើងប៉ាតាយ៉ាងសាមញ្ញ ឡើងយន្តហោះទៅច្រៀងនៅក្រៅប្រទេសជាលើកដំបូង ក៏ប៉ុន្តែទោះបីជានាងស្លៀកពាក់បែបនេះក្តី ក៏មើលទៅសម្រស់របស់នាងនៅតែស្រស់ស្អាតខ្លាំងដដែរ។

ស្របពេលជាមួយគ្នានេះដែរ ក៏មានអ្នកគាំទ្រសរសើរដល់នាង ទោះបីជាស្លៀកពាក់បែបណាក៏មើលទៅឃើញស៊ីវីល័យ និងទាក់ទាញពីភ្នែកអ្នកដទៃដែរ៕