វត្តមានកំពូលស្មាតហ្វូនត្រកូល Note របស់ក្រុមហ៊ុនកូរ៉េខាងត្បូង Samsung នឹងត្រូវលាតត្រដាងជាសាធារណៈនាថ្ងៃទី៩ ខែសីហា ឆ្នាំ២០១៨ខាងមុខ។
កៀកនឹងការមកដល់នេះ រូបភាពជាច្រើននៃ Note 9 ត្រូវបានគេបង្ហោះចែកចាយតៗគ្នាពាសពេញបណ្ដាញអ៊ីនធឺណិតជាបណ្ដើរៗមកហើយ។ បន្ថែមពីនេះ កាលពីពេលថ្មីៗកន្លងទៅ ស្រាប់តែមានវីដេអូបែកធ្លាយមួយទៀតបង្ហាញពីការចាប់កាន់ Note 9 ជាលើកដំបូង ដែលបញ្ជាក់ឲ្យឃើញច្បាស់ពីរូបរាងពេញលក្ខណៈរបស់វាទាំងផ្ទៃអេក្រង់ខាងមុខ និងតួខ្នងខាងក្រោយ។
បើតាមរយៈវីដេអូ គេសង្កេតឃើញថា Note 9 មិនសូវជាមានភាពផ្លាស់ប្ដូរប៉ុន្មានទេ បើធៀបនឹងជំនាន់មុនដែលចេញកាលពីឆ្នាំ២០១៧។ ចំណុចដែលខុសគ្នាច្បាស់ជាងគេគឺ ការលើកយក Sensor ស្កេនម្រាមដៃទៅដាក់នៅខាងក្រោមកាមេរ៉ាភ្លោះ ជំនួសឲ្យការដាក់ទន្ទឹមគ្នាដូចនៅលើ Note 8៕
Comments
Post a Comment