គណៈកម្មាធិការជាតិរៀបចំការបោះឆ្នោត (គ.ជ.ប) ត្រូវការជ្រើសរើសមន្ត្រីជាប់កិច្ចសន្យារយៈពេលខ្លីចំនួន ២៩នាក់ ឲ្យបម្រើការងារនៅនាយកដ្ឋានគ្រប់គ្រងទិន្នន័យអ្នកបោះឆ្នោត និងបញ្ជីបោះឆ្នោតនៃអគ្គលេខាធិការដ្ឋាន គ.ជ.ប។ នេះបើយោងតាមសេចក្ដីជូនដំណឹងរបស់ គ.ជ.ប ចុះថ្ងៃទី៤ ខែសីហា ឆ្នាំ២០១៨។
មុខតំណែងដែល គ.ជ.ប ជ្រើសរើសមានដូចជា៖
- ជំនួយការបច្ចេកទេសកុំព្យូទ័រ ចំនួន ៦នាក់
- ការីផ្ទៀងផ្ទាត់ទិន្នន័យ និងបោះពុម្ព ចំនួន ២៣នាក់
គ.ជ.ប បញ្ជាក់ថា បេក្ខជនដែលមានចំណាប់អារម្មណ៍ អាចទទួល និងដាក់ពាក្យសុំប្រឡង នៅទីស្ដីការ គ.ជ.ប (នាយកដ្ឋានគ្រប់គ្រងទិន្នន័យអ្នកបោះឆ្នោត និងបញ្ជីបោះឆ្នោត) ដែលមានទីតាំងស្ថិតនៅក្នុងក្រសួងមហាផ្ទៃ អគារ U (ខាងត្បូង) នៅរៀងរាល់ម៉ោងធ្វើការ។
ការចាប់ផ្ដើមចែកពាក្យ និងទទួលពាក្យសុំប្រឡង នឹងធ្វើឡើងនៅថ្ងៃទី១០ រហូតដល់ថ្ងៃទី១៦ ខែសីហា ឆ្នាំ២០១៨៕
Comments
Post a Comment