គិតត្រឹមដើមឆ្នាំ២០១៨ អគារខ្ពស់ៗនៅរាជធានីភ្នំពេញ មានចំនួនសរុប ៩៧៩អគារ។ នេះបើយោងតាមការលើកឡើងរបស់លោក ឃួង ស្រេង អភិបាលរាជធានីភ្នំពេញ កាលពីថ្ងៃទី៥ ខែសីហា ឆ្នាំ២០១៨។
លោកអភិបាល បន្តថា ក្រៅពីអគារខ្ពស់ៗ ភ្នំពេញក៏មានសំណង់បុរី-ផ្ទះល្វែងចំនួន ១៩៩កន្លែង និងសណ្ឋាគារប្រណីតៗចំនួន ២៨៨កន្លែងផងដែរ។ លោកបន្ថែមថា គម្រោងសំណង់ថ្មីនៅភ្នំពេញ មានចំនួន ១១០១គម្រោង លើផ្ទៃដីជិត ៣,៨លានម៉ែត្រក្រឡា ដែលមានទុនវិនិយោគប៉ាន់ស្មាន ១,៩ពាន់លានដុល្លារ។
ក្នុងនោះដែរ លោក ឃួង ស្រេង បានសង្កត់ធ្ងន់ថា ភាគខាងត្បូងរាជធានីភ្នំពេញ ជាតំបន់ប្រកបដោយសក្ដានុពលខ្ពស់ហ៊ុមព័ទ្ធទៅដោយមជ្ឈមណ្ឌលពាណិជ្ជកម្ម លំនៅឋានប្រណិត និងឧទ្យានបុរី៕
Comments
Post a Comment