ដំឡូងមីរបស់ពលរដ្ឋម្ចាស់ចម្ការ នៅស្រុករមាសហែក ខេត្តស្វាយរៀង កំពុងមានទីផ្សារ និងតម្លៃថ្លៃជាងឆ្នាំមុនៗ។ ដំណាំដំឡូងមីដែលពលរដ្ឋបានដាំដុះលើផ្ទៃដីជិត៤០០០ហិកតា ក្នុងស្រុករមាសហែក ត្រូវបានលក់នាំចេញទៅកាន់ទីផ្សារ ពោលគឺលក់បានទាំងសើម។
លោក ប៉ែន សាម៉េត កសិករដាំដំឡូងមីនៅឃុំដូង ស្រុករមាសហែក បានឲ្យដឹងថា ដំឡូងមីប៉ុន្មានឆ្នាំកន្លងទៅមិនសូវមានទីផ្សារនោះទេ គឺខាតរហូតដោយមួយគីឡូក្រាម លក់ចេញបានតែតម្លៃ១០០រៀលទៅ១៥០រៀលប៉ុណ្ណោះ ដែលធ្វើឲ្យពួកគាត់គ្មានកម្លាំងចិត្តក្នុងការបង្កបង្កើនផលដំណាំមួយនេះទេ។
លោក ប៉ែន សាម៉េត កសិករដាំដំឡូងមីនៅឃុំដូង ស្រុករមាសហែក បានឲ្យដឹងថា ដំឡូងមីប៉ុន្មានឆ្នាំកន្លងទៅមិនសូវមានទីផ្សារនោះទេ គឺខាតរហូតដោយមួយគីឡូក្រាម លក់ចេញបានតែតម្លៃ១០០រៀលទៅ១៥០រៀលប៉ុណ្ណោះ ដែលធ្វើឲ្យពួកគាត់គ្មានកម្លាំងចិត្តក្នុងការបង្កបង្កើនផលដំណាំមួយនេះទេ។
លោកបន្តទៀតថា រហូតមកបច្ចុប្បន្នទីផ្សារដំឡូងមី បានល្អប្រសើរ ហើយលក់បានតម្លៃថ្លៃគួរសម គឺមួយគីឡូក្រាម ចាប់ពី ៣៥០រៀលទៅ ៤០០រៀល។ ប្រការនេះធ្វើឲ្យពួកគាត់មានកម្លាំងចិត្តនឹងបន្តការដាំដុះលើដំណាំដំឡូងមីបន្តទៀត ក្រៅពីការងារធ្វើស្រែចម្ការ។
ដោយឡែក លោក ចាប ណុល អភិបាលរងស្រុករមាសហែកបានឲ្យដឹងថា នៅលើផ្ទៃដី៣៣៧៩ហិកតាដែលប្រជាពលរដ្ឋបានដាំដុះដំឡូងមី បច្ចុប្បន្នគឺមានទីផ្សារលក់ចេញបានតម្លៃថ្លៃគួរសមដែលប្រជាកសិករទទួល យកបាន៕
Comments
Post a Comment