នៅទីបំផុតខ្សែភាពយន្តភាគរឿង"ប្រអប់សំបុត្រចោលទុក្ខ" សម្ដែងដោយតារាចម្រៀង តាក់ម៉ា បានចេញ Trailer មកហើយជាមួយឈុតឆាកស្នេហាបែបកម្សត់រវាងតួឯកប្រុសស្រីមួយគូ។
បើតាមកញ្ញា សួង ស៊ីណា ផលិតករ និងជាអ្នកដឹងនាំសម្ដែងរឿងកន្លងមកបានឲ្យដឹងថា "ប្រអប់សំបុត្រចោលទុក្ខ" ដែលមានតារាចម្រៀង តាក់ម៉ា សម្ដែងតួឯកស្រីលើកដំបូង គឺជាប្រភេទរឿង Action បង្ហាញតថភាពពិតរបស់យុវវ័យនៅក្នុងសង្គមកម្ពុជាបច្ចុប្បន្ន។ ខ្សែភាពយន្តភាគមួយនេះក៏បានបញ្ចូលនូវរស់ជាតិជីវិតជាច្រើន ដូចជាស្នេហាបែបយុវវ័យ ជីវិតកម្សត់បែបគ្រួសារ កំប្លែង និងការស្រឡាញ់ភេទដូចគ្នាជាដើម។
ខ្លឹមសារនៃសាច់រឿង "ប្រអប់សំបុត្រ ចោលទុក្ខ" គឺចង់បង្ហាញថា មនុស្សម្នាក់ៗមិនអាចរស់នៅតែឯងទេ គឺមានមិត្តភ័ក្ដិ និងក្រុមគ្រួសារនៅជុំវិញខ្លួន រង់ចាំការផ្ដល់យោបល់ និងលើកទឹកចិត្តនៅពេលដែលអ្នកណាម្នាក់ជួបការលំបាក ឬទុក្ខព្រួយអ្វីមួយ។
ទស្សនា Trailer ខ្សែភាពយន្តភាគរឿង"ប្រអប់សំបុត្រចោលទុក្ខ" ត្រៀមនឹងដាក់បញ្ចាំងនៅទូរទស្សន៍ My TV ខាងក្រោមនេះ៖
Comments
Post a Comment